Auglýst eftir konu einu sinni enn

"Gamall maður fyrir aldur fram, með brostinn hrjúfan róm" orti hirðskáld okkar KR-inga, sósíalistinn hann Bubbi Morthens sem ég hef miklar mætur á.

Ég er hins vegar hinn hressasti enn og á besta aldri. Ég birti myndina sem er hér til hliðar einhverju stærri. Réttast er að geta þess að börn eða barnabörn eru engin fyrirstaða. Ég set samt fyrirvara um barnabarnabörn, ellikerlingin á ekkert erindi til mín frekar en Framsóknarkonur og Valskvendi. Að öðru leyti er ég mátulega vandlátur, þó ekki um of. Einsemdin er engum holl.

 

 

Einsemd víst er engum holl
aleinn, bitur, hrjáður.
Ég datt í þennan drullupoll
drukkinn eins og áður.

 

Athugasemdir

[Jóhanna Magnúsar- og Völudóttir , 17.9.2008 kl. 23:55]

Það er víst fátt um svörin hjá þér, bendi þér á eftirfarandi síðu:

www.einkamal.is

Ég myndi ekkert vera að setja mynd Sigurður minn. Hvað ertu annars gamall upp og í hvaða stjörnumerki ertu, ég gæti lesið í spil fyrir þig og séð hvort ég það er kona í spilunum ?

...