%&/#$%&#"

Margar átti ég unaðsstundir
oftast framar vonum. 
Einkum þegar ég lenti undir
öllum þessum konum.

Korter yfir tíu

Í kenderíi að kveða rímu
ég kætast mun að nýju.
Ég kominn var í kvennavímu
um kortér yfir tíu.

Úr fjölskyldualbúminu

Að gefnu tilefni vil ég segja frá eftirfarandi:

Ég var að fletta fjölskyldualbúminu í morgun og sá þá brúðkaupsmynd af burgeisnum Magnúsi kaupmanni Sigurðssyni á Grund í Eyjafirði og brúði hans, Margréti Sigurðardóttur frænku minni úr Fnjóskadal, frá 1924.

Ég heyrði af þeim sögur þegar ég var lítill og held ég hafi hitt þau hjónin forðum. En þegar þau giftust var hún aðeins rúmlega þrítug, en hann nær áttræðu. Og lifðu hamingjusömu lífi!

Ég vil því minna myndarlegar konur á fertugsaldri á, að ég er yngri en Magnús var á sínum tíma. Og hef víagra upp á að hlaupa ef með þarf. Ég skal jafnvel hætta að drekka (svona mikið) ef rétt kona gengur í hlað!

 

Jedúddamía. Nú er mér öllum lokið

Nú fer ég að fjarlægja spegilinn úr baðherberginu mínu. Það er varla að maður þori orðið í sturtu.

Treg mörg tár á vorri brá
er tel ég sáru árin.
Því ferleg fjári eru þau grá
fjandans nárahárin.

Auglýst eftir konu einu sinni enn

"Gamall maður fyrir aldur fram, með brostinn hrjúfan róm" orti hirðskáld okkar KR-inga, sósíalistinn hann Bubbi Morthens sem ég hef miklar mætur á.

Ég er hins vegar hinn hressasti enn og á besta aldri. Ég birti myndina sem er hér til hliðar einhverju stærri. Réttast er að geta þess að börn eða barnabörn eru engin fyrirstaða. Ég set samt fyrirvara um barnabarnabörn, ellikerlingin á ekkert erindi til mín frekar en Framsóknarkonur og Valskvendi. Að öðru leyti er ég mátulega vandlátur, þó ekki um of. Einsemdin er engum holl.

 

 

Einsemd víst er engum holl
aleinn, bitur, hrjáður.
Ég datt í þennan drullupoll
drukkinn eins og áður.

 

Kvennavandamál einu sinni enn!

Kvöldin forðum í Cuxhaven

Í Cuxhaven forðum á kvöldum
kvennafar oft sat að völdum.
Að gamnast í griðum
við graðir oft riðum
á elegant ungviðahöldum.

Vér áttum oft ungfrúr á snærunum
eða ultum um fullir með gærunum.
En magnaðasta mærin
oft mjúk varð um lærin
er mætt'hún mér stífum á nærunum.

Enn lýst eftir konu: 4. tilraun

Hún þarf að vera aðeins umburðarlyndari en þessi!

 

Ég lýsi enn á ný eftir konu.

Þriðja tilraun.

Ég lýsi semsé eftir konu sem er vön að nota hjálpartæki.

Ég lýsi eftir konu

sem er góð að bóna bíla.